Шугнӣ | Китоби Корномаи Фиристодагон (ba zaboni Shughni). Йам дуйум Луқо китоб иде̂, йу фиристода̄ Па̄влусанд ԝи ох̇нойат амкор вудат, Теофӣлусард нивишчак сиц (1:1). Муаллиф йакум бобандаϑ х̇ойӣҷ диқат тар Худоԝанд Исойи Масе мақсад ҷалб ких̇т иде̂, ца лу̊ди: «Ерусалӣмандат, таму̊ми Йаӯдийа̄ ԝилойатандат, Сомарийа̄ ԝилойатанд то кунҷи замӣнец Му шойиден сет» (1:8). Ага Луқойи ху йакум китобанд дар борайи фук коренат та̄лӣмотен иде̂, Исойи сар ца чӯд, ца нивишт, «Фиристодайен китобанд» ма̄шард нивишт иде̂, цара̄нг Исо ба ԝоситайи Рӯйи Пок, йа̄ни Рӯйи Хуδой Ху кор мам замӣнти даԝу̊м δӣд. Луқо мам китобанд махсӯс дар борайи δу бузург фиристода̄, Петрусат Па̄влус нақл ких̇т.
Мам йакум бобенанд ма̄ш х̇ойа̄м иде̂, цара̄нг йаӯдийен фиристода̄ Петрус да̄ԝат қати азрати Исойи Масейи Худоԝандард ему̊н вен.
Архивро зеркашӣ кунед