Шугнӣ | Yakub ba zaboni Shughni. Мам ну̊ма̄ муаллиф Йа̄қӯб, Исойи Масе вирод, аԝалу̊н ему̊ндорен байнанд ну̊мдорат, лапаϑ қадрдор робар вуд. Ну̊ма̄йи Йа̄қӯб аз дига х̇огирден ну̊майен, ма̄ш миδустен нур ца, сар аԝалу̊н ну̊ма̄ исоб су̊дат, тахмӣнан 50 сол ба̄д аз милод нивишчак сиц. Ка̄данди дам нивишч, ма̄лум нист. Мам ну̊ма̄йи Йа̄қӯб дуԝозда̄ қабӣлайи Исроӣлард, йа̄ни йаӯди ему̊ндоренард нивишт иде̂, ԝа̄δен ваҷ аз Ерусалӣм, дига х̇а̄ренард тихӣрм ца вад. Йа̄қӯбанд дар борайи ԝи зиндагийат, дар борайи ԝи аз дили ҷу̊н хизмат ему̊ндорен ҷамоатанд, мам ԝи ну̊ма̄йанд ма̄лум.
Ху ну̊ма̄йанди Йа̄қӯб дар борайи мев маԝзӯйен нивишч: озмойих̇анд ԝи фойда̄, ԝасԝаса̄йанд ԝи хатар, дар борайи хирадат, ақу̊ни ему̊нанд ԝи ба̄ра̄, дар борайи батоқат видоԝат, дуо чӣдоԝ азобат қӣни ԝахтанд, ғу̊ɣ хабарчӣд дар борайи рӯйбӣнийат, дар борайи ҷефаҷа̄мчӣдат, ԝи зийу̊н мам дунйоти, дар борайи бадга̄пийат, мам ҷау̊н қати дӯсти чӣдоԝ, зидди катаҷу̊нийат, худпарасти. Пиро аз фукаϑ, муаллиф лапди дар борайи ақу̊ни ему̊нанд ԝи та̄сӣр одам зиндагити лу̊вд.
Архивро зеркашӣ кунед